Ժամկետային զինծառայողին մինչև զորացրվելը կենտրոնական կլինիկական զինվորական հոսպիտալի թերապևտիկ բաժանմունքում կաշառքի դիմաց պահելու գործով մեղադրանք է առաջադրվել նաև ՀՀ ՊՆ N զորամասի զինծառայող, շարքայինին՝ ՀՀ քրեական օրենսգրքի 363-րդ հոդվածի 4 մասով (անդամախեղելու, հիվանդության սիմուլյացիայի կամ ապօրինի այլ եղանակով զինվորական ծառայությունը կամ դրա առանձին պարտականությունների կատարումը դադարեցնելը, որոնք կատարվել են զինվորական ծառայությունից վերջնականապես ազատվելու նպատակով): «Փաստինֆո»-ի այս տեղեկությունը հաստատեց ՀՀ ՊՆ քննչական ծառայության ավագ սպա Մերի Սարգսյանը:
Զինվորի նկատմամբ որպես խափանման միջոց է ընտրվել հսկողության հանձնելը:
Նշենք նաև, որ գործի շրջանակներում մեղադրանք էր առաջադրվել զինվորի մորը՝ կաշառք տվողին՝ Մ. Ա.-ին, և միջնորդ հանդիսացած Մխիթար Հերացու անվան բժշկական կենտրոնի կարդիոլոգիայի բաժանմունքի նախկին պետ Ա.Մ.-ին:
Նյութի մանրամասները կարդացեք սկզբնաղբյուր կայքում
