Միացյալ Նահանգների արտգործնախարարությունը «խայտառակություն» է անվանել Սիրիայում երեքշաբթի օրն անցկացված նախագահական ընտրությունները՝ շեշտելով, որ այս երկրի նախագահ Բաշար ալ-Ասադի նկատմամբ «այսօր չկա ավելի շատ վստահություն, քան եղել է նախորդ օրը»:
«Իրականությունից կտրված և քաղաքական մասնակցությունից զուրկ՝ Ասադի վարչակարգի կողմից կազմակերպված ընտրությունները շարունակում են բռնությունների միջոցով ճնշման ընտանեկան 40-ամյա ավանդույթը, որի սովորույթների համաձայն դաժանաբար ջախջախվում է քաղաքական այլախոհությունը և չեն իրականացվում սիրիայի ժողովրդի խաղաղության և բարգավաճման հասնելու ձգտումները», – մամուլի ներկայացուցիչների հետ հանդիպման ընթացքում ասել է արտգործնախարարության փոխխոսնակ Մարի Հարֆը:
Սիրիայի վարչապետ Վաել ալ-Հալքին երեքշաբթի օրն ասել էր, թե երկրում անցկացված նախագահական ընտրությունները «վերականգնման ուղու վրա են կանգնեցրել երկիրը»:
Արմեն Հովհաննիսյան
Կարդացեք նաև
Նյութի մանրամասները կարդացեք «Ամերիկայի Ձայն»-ի կայքում
