Հունիսի 3-ին կայացած Տավուշի մարզխորհրդի նիստում «Բերդավան» պտղաբուծական կոոպերատիվի նախագահ Վարդան Զուրաբյանը դիմելով գյուղնախարար Սերգո Կարապետյանին` ասաց, որ Տավուշի մարզի խաղողն աչքի է ընկնում որակական հատկանիշներով, սակայն սահմանային կրակոցների վտանգի տակ աճեցվող խաղողը Արարատյան դաշտի խաղողի համեմատ կիլոգրամը 5 դրամ պակաս գնով է մթերվում: Զուրաբյանի խոսքերով՝ դա տավուշցու վրա հոգեբանական վատ ազդեցություն է ունենում, 1991 թվականին Բերդավանում 160 հա խաղողի այգի է սեփականաշնորհվել, հիմա գյուղում կա մոտ 80 հա խաղողի այգի:
Գյուղնախարարն ասաց,որ Արարատյան դաշտավայրում ձմռան շեմին խաղողի վազերը թաղում են, գարնանը՝ հանում , որ այդ աշխատանքները խաղողի ինքնարժեքի 21 տոկոսն են կազմում, Տավուշի մարզում խաղողի վազերը չեն թաղում: Ս. Կարապետյանը հայտարարեց, որ Արարատյան դաշտում խաղողի շաքարայնությունն ավելի բարձր է, նաեւ նշելով, որ վերջին տարիներին հանրապետությունում խաղողի ընդունման գինը տարեկան 5 դրամով աճել է: Վարդան Զուրաբյանն ասաց, որ Տավուշի մարզում խոնավությունը շատ է, որի պատճառով վազերի թունաքիմիկատներով սրսկումներն Արարատյան դաշտի համեմատ 2-ով ավել են արվում, ինչը հավելյալ ծախս է:
Կարդացեք նաև
Ոսկան ՍԱՐԳՍՅԱՆ
