Մադրիդի «Ռեալի» եւ Պորտուգալիայի ազգային հավաքականի հարձակվող Կրիշտիանու Ռոնալդուն խոստովանել է, որ չի հետեւում իր բանկային հաշիվներին եւ չգիտի, թե իր քարտում որքան գումար կա: Նա չի ձգտում հարստության, սակայն դրա փոխարեն ուզում է անջնջելի հետք թողնել ֆուտբոլի պատմությունում:
ՖԻՖԱ-ի վարկածով աշխարհի 2013 թվականի լավագույն ֆուտբոլիստը, որ «Ռեալում» շաբաթական ստանում է մոտ կես միլիոն դոլար, իր առջեւ հնարավորին չափ շատ վաստակելու նպատակ չի դնում, չնայած, մեծացել է աղքատ ընտանիքում:
Forbes-ի փորձագետների հաշվարկով միայն 2013 թվականին Ռոնալդուն իր կարողությունն ավելացրել է $ 73 միլիոնով: «Ես գաղափար անգամ չունեմ, թե որքան փող ունեմ: Սկզբում, այո, ինձ ու ընտանիքիս փող պետք էր, քանի որ մեծացել եմ ծայրահեղ աղքատության մեջ եւ Ծննդյան տոներին նույնիսկ նվեր չեմ ստացել: Իսկ հետո դադարեցրել եմ հետեւել իմ բանկային հաշվի համարին» – Ռոնալդուի խոսքերը մեջբերում է Daily Mirror-ը:
Կարդացեք նաև
Աշոտ ՀԱԿՈԲՅԱՆ
Լուսանկարը՝ Globall Look Press-ի
