«Հարցված 5000 քաղաքացիների 64,5 տոկոսը «կողմ» է Մաքսային միության անդամակցությանը, 7.4-ը՝ «դեմ»: Եվրամիությանը միանալուն «կողմ» են 16.2 տոկոսը, իսկ «դեմ» են 23.2 տոկոսը»,-այսօր «Տեսակետ» մամուլի ակումբում լրագրողների հետ հանդիպմանը հայտարարեց սոցիոլոգ Ահարոն Ադիբեկյանը՝ անդրադառնալով «Բնակչության վերաբերմունքը ԵՄ-ՄՄ անդամակցության երկընտրանքին` ըստ վերջին սոցիոլոգիական հարցումների արդյունքների»:
Այնուհետև ամփոփեց. «Հետևաբար դեմ եմ շարժում, եթե կենսաթոշակային բարեփոխումների շուրջ ձևավորվեց, այդպես էլ Մաքսային միության անդամակցության շուրջ չձևավորվեց»:
Ըստ Ահարոն Ադիբեկյանի հարցման արդյունքների՝ «Երիտասարդներն ավելի շատ են Եվրոպա նայող, քան Ռուսաստան: Բիզնես դասի ներկայացուցիչներից չորսից մեկը կողմ է Մաքսային միությանը: Ընդհանուր առմամբ քաղաքացիներից երեքը կողմ է Մաքսային միությանը, մեկը՝ կողմ Եվրոպային: Կուսակցական առումով մեզ թվում էր, թե գոնե ընդդիմությունը պետք է ցայտուն դիրքորոշվեր. ՀՀԿ-ում երեքից-չորսը կողմ է Մաքսային միությանը, ԲՀԿ-ում, ՀՅԴ-ում երեքը կողմ են մեկը՝ դեմ Մաքսային միությանը, «Ժառանգությունում»՝ մեկ-մեկ, ՀԱԿ-ում դեմ չկա»:
Aravot.am-ի հարցին՝ ինչպե՞ս կմեկնաբանի Ղազախստանի նախագահ Նուրսուլթան Նազարբաևի առաջ քաշած պայմանը, թե Հայաստանը մինչև հուլիսի 1-ը ստորագրելու է Եվրասիական միությանը, Եվրասիական միությանը ՄԱԿ-ի կողմից ճանաչված սահմաններով, այսինքն՝ առանց Լեռնային Ղարաբաղի և արդյոք հնարավո՞ր է ՀՀ-ն ստորագրելուց հետ կանգնի այդ պատճառով, պարոն Ադիբեկյանը պատասխանեց. «Մի մոռացեք, որ Ղազախստանը թուրքալեզու երկրների ակտիվ միավորման երկիր է: Նա պարտավոր է իր գործընկերոջ՝ Ադրբեջանի շահերը պաշտպանել: Դա մեզ համար ակնկալելի էր, դա նորմալ է, դրա մեջ ոչ մի վնաս Հայաստանին չեմ տեսնում: Ու չեմ կարծում, որ Ղարաբաղը դրանից ինչ-որ բան կտուժի: Չեմ կարծում, որ Սերժ Սարգսյանը կզոհաբերի Ղարաբաղը հանուն որևէ միության»:
Կարդացեք նաև
Անդրադառնալով ստորագրելուց հետ կանգնելու հարցին՝ պարոն Ադիբեկյանը պատասխանեց. «Խաղի վրա մեծ գին է դրված, քանի որ Ռուսաստանը ՀՀ օրինակով ցույց է տալիս, որ Մաքսային միությունն ունի ապագա հեռանկար, և արդեն Իսրայելը և այլ երկրներ դիմում են ներկայացրել Մաքսային միություն մուտք գործելու համար»:
Արդյոք ՀՀ-ի և Ղարաբաղի միջև անցակետեր կտեղադրվե՞ն, պարոն Ադիբեկյանն ասաց. «Ամեն ինչ կախված է, թե Մաքսային սահմանների պաշտպանությունը ինչպե՞ս կարող է լինել: Ինձ թվում է, որ անցակետեր չեն լինելու»: Դիտարկմանը, թե ինչո՞ւ Նազարբաևի հայտարարությանը ՀՀ-ի կողմից արձագանք չեղավ, պարոն Ադիբեկյանն արձագանքեց. « Չարձագանքեց, քանի որ պայմանագրային գործընթաց է գնում, ոնց կորոշեն, այդպես էլ կլինի: Բայց Մաքսային միությունը չի կարող մեզ արգելել Ղարաբաղի հետ չառնչվել»:
Տաթև ՀԱՐՈՒԹՅՈՒՆՅԱՆ
Ու ինչ կանի*, խելոք , ասա,
Խամաճիկի թատրոն է սա,
Պարսկահուսո Ղարաբաղը…
Չէ դժվար է սերժի բանը:
Դուրս են անում մարդկանց տանից,
Զարդնում տիրոջ կառքի ձենից…
Չէ, հզոր է քո սերժիկը,
Վերևն աստված, ներքև ինքը…
Թեև խորթ է դեռ գալիքը…