Հայ ազգային կոնգրեսի արտաքին հարաբերությունների հանձնաժողովի նախագահ Վլադիմիր Կարապետյանը «ՉԻ»-ի հետ զրույցում ասաց, որ իր համար առաջին հերթին տարօրինակ է, որ այդ հարցը անակնկալի է բերել Սերժ Սարգսյանին։ «Այն, որ նա (Ս.Սարգսյանը–Հ.Մ.) չի արձագանքել Նազարբաեւի պայմանին, ցույց է տալիս, որ ինքը անպատրաստ է եղել, եւ այդ անպատրաստ լինելն ու լռությունը կարող են բոլորը մեկնաբանել որպես համաձայնություն այն պայմանների հետ, որոնք Ղազախստանի նախագահը դրել է Հայաստանի առջեւ»,- ասաց նա։
Վլադիմիր Կարապետյանի խոսքով, Լեռնային Ղարաբաղի հակամարտությունը որեւէ միջազգային կազմակերպության հետ համագործակցության խորացման կամ ինտեգրացիոն գործընթացում խոչընդոտ չի եղել, եւ Հայաստանի առջեւ ոչ մեկը նման ինչ-որ
պայմաններ չի դրել, առավելեւս դաշնակիցների վերաբերյալ։ «Այդ ձախողումը, փաստորեն, Սերժ Սարգսյանին հրապարակայնորեն տեղը դրեցին։ Սա ցույց է տալիս, որ չի կարողացել դիվանագիտությունը աշխատեցնել պատշաճ մակարդակի վրա՝ հարթելու նման խնդիրները, մինչեւ դրանք կդառնային հրապարակային եւ Հայաստանին կդնեին շատ անհարմար վիճակի մեջ»,- եզրափակեց ՀԱԿ արտաքին հարաբերությունների հանձնաժողովի նախագահը։
Հովհաննես ՄՈՒՐԱԴՅԱՆ
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
