Aravot.am-ի տեղեկություններով, այսօր շտապ Գյումրի է ժամանել հանրապետության գլխավոր մանկաբարձ-գինեկոլոգ, ՀՀ ԱՆ Պերինատոլոգիայի, մանկաբարձության և գինեկոլոգիայի հանրապետական կենտրոնի տնօրեն Ռազմիկ Աբրահամյանը: Մի՞թե նրա այցի պատճառը երեկ երեկոյան Գյումրու «Մոր և մանկան» ավստրիական հիվանդանոցի ծննդաբերական բաժանմունքում 38-ամյա Կարինե Պապանյանի 3-րդ երեխայի ծննդաբերության ժամանակ գրանցված մա՞հն է, Շիրակի մարզի գլխավոր մանկաբարձ-գինեկոլոգ Ֆելիքս Գրիգորյանն ասաց, որ մահվան դեպքը համընկել է նրա այցի հետ, և որ Ռազմիկ Աբրահամյանը եկել էր Ախուրյանի ծննդատանը գրանցված մեկ այլ ծանր դեպքի հետքերով: Կանացից մեկի մոտ վիրահատությունից հետո սկսվել էր արյունահոսություն, Հայաստանի գլխավոր մանկաբարձ-գինեկոլոգն էլ եկել էր օգնության: Այժմ, ըստ Ֆելիքս Գրիգորյանի, ամեն ինչ բարեհաջող ավարտ է ունեցել:
Նշենք, որ, ըստ բժիշկների, մայրական մահվան դեպքը լուրջ վերլուծության կենթարկվի Առողջապահության նախարարությունում:
Նունե ԱՐԵՎՇԱՏՅԱՆ
