Նախորդ անգամ էլ նա «պահանջատեր» էր
Մայիսի 24-ին Վրաստանի Թեքալի գյուղում հասարակական լսումների ժամանակ զեկուցումով հանդես եկած Խաթունա Չապիչաձեին հարց տվողների թվում էր նաեւ Ադրբեջանի Թովուզի դպրոցներից մեկի ռուսերենի ուսուցչուհի Սադաքյար Կասումովան: Նրա հարցն ավելի շատ ելույթի էր նման: Ադրբեջանուհին զեկուցողին ասաց. « Առաջին ի՞նչ քայլ պետք է ձեռնարկել, որպեսզի ստեղծվի հարավկովկասյան միություն: Մենք ապրել ենք Խորհրդային Միության օրոք եւ ազատ մեկնում էինք ցանկացած հանրապետություն, հանրապետությունների միջեւ վստահության եւ փոխըմբռնում կար: Ես, օրինակ, չեմ մոռացել, որ մեր երկրների միջեւ եղել է բարեկամություն, փոխըմբռնում, վստահություն: Հարկ է այդ ամենը վերականգնել, սա լավ մոռացված անցյալ է, պետք է այն վերականգնել մարդկանց միջեւ: Մեզ ի՞նչ է մնում, մենք բոլորս հասարակ մարդիկ ենք, մեր մեջ չկան միլիոնատերեր, գործարարներ, մենք ի՞նչ ենք ուզում՝ խաղաղ ապրել: Իսկ ի՞նչն է մեզ խանգարում՝ չկա ոչ վստահություն, ոչ՝ փոխըմբռնում: Ես ադրբեջանուհի եմ, սովորել եմ դասարանում, որտեղ վրացի կար, հայեր կային, լեզգիներ, ուկրաինացիներ, տարբեր ազգությունների մարդիկ: Մենք սիրում էինք իրար, իսկ հետո ի՞նչ պատահեց: Ի՞նչ է պետք, որպեսզի ստեղծվի հարավկովկասյան միություն: Ես ել կպատասխանեմ՝ վստահություն եւ փոխըմբռնում: Դուք համաձա՞յն եք»:
Խաթունա Չափիչաձեն պատասխանում է ադրբեջանուհու հարցին:
Խաթունա Չապիչաձեն ասաց, որ ինքը համաձայն է, սակայն առաջին հերթին պետք է փոխել մեր հարաբերությունները մեր եւ միմյանց հանդեպ, պատմությունը ոչ ճիշտ ներկայացնելը խանգարում է, սեփական պատմության հանդեպ չեզոք եւ համարժեք լինելր երբեմն շատ դժվար է: Սակայն եթե այդպես չվարենք, ոչնչի չենք հասնի: Եթե Գերմանիան չքավեր իր մեղքերը ֆաշիզմի համար, չէր զարգանա:
Ադրբեջանուհին արձագանքեց. «Ինչպե՞ս կարող ենք մենք՝ ադրբեջանցիներս վստահել հայերին, եթե նրանք մեր հողերը գրավել են: Եթե վերադարձնեն մեր հողերը, այդ միությունը կլինի»:
Կարդացեք նաև
Հավելենք, որ Ս. Կասումովան Թեքալիում նախորդ հասարակական լսումների ժամանակ հայտարարել էր, որ Ղարաբաղ բառի ստուգաբանությունն իբր ապացուցում է, թե այն ադրբեջանական տարածք է:
Ոսկան ՍԱՐԳՍՅԱՆ
Անունով որ լինի,Իրինա, Ժաննա,Էրիկ և այլ անուն ունեցող մարդիկ էլ կան և հայ են:Ժամանակի խնդիր է
Ալիև ջան, հողեր որ տաս, Բաքուն նվիրես, Կասպիցը`պարգևատրես, Ստամբուլն ու Վրաստանն էլ գրավես ու կցես Հայաստանին, Պարսկաստանից պատվոգիր կստանաս:Ես սխալ բան ասելու իրավունք ունե*մ: