ԱՄՆ նախագահ Բարաք Օբամայի կարծիքով, իրենք կարողացել են ազդել աշխարհի հասարակական կարծիքի վրա և Ղրիմը միացնելուց հետո կարողացել են միջազգային ասպարեզից մեկուսացնել Ռուսաստանին, փոխանցում է «ՌԻԱ Նովոստի»-ն:
«Համաշխարհային կարծիք ձևավորելու հարցում մեր հնարավորությունները օգնեցին անմիջապես մեկուսացնել Ռուսաստանին: Ամերիկայի առաջնորդության շնորհիվ աշխարհը միանգամից դատապարտեց Ռուսաստանի գործողությունները: Եվրոպան և Մեծ յոթնյակը միացան մեզ պատժամիջոցներ կիրառելիս, ՆԱՏՕ-ն ամրապնդեց Արևելյան Եվրոպայի նկատմամբ իր պարտավորությունները, Արժույթի միջազգային հիմնադրամը օգնում է Ուկրաինայում կայունացնել տնտեսությունը, ԵԱՀԿ-ը աշխարհին ցուցադրեց Ուկրաինայի անկայուն շրջանները», – ասել է Օբաման՝ ելույթ ունենալով Նյու Յորքի Վեսթ Փոյնթ ռազմական ակադեմիայում:
«Համաշխարհային կարծիքի և համաշխարհային կառույցների մոբիլիզացիան ռուսական քարոզչության, ռուսական զորքի և զինյալների հակակշիռը դարձավ», – ասել է ԱՄՆ առաջնորդը՝ ավելացնելով, որ իրենք չգիտեն, թե ինչպես կզարգանա իրավիճակը, բայց իրենց աջակցությունը ուկրաինացիներին թույլ տվեց ընտրել իրենց ապագան:
Կարդացեք նաև
Պատրաստեց Հովհաննես ԻՇԽԱՆՅԱՆԸ
