Պաշտոնական Երեւանի դիրքորոշումը Ուկրաինայում նախագահական ընտրությունների վերաբերյալ ՀՀ արտաքին գործերի նախարար Էդվարդ Նալբանդյանը խորհուրդ է տալիս փնտրել ՀՀ նախագահի շնորհավորանքի մեջ, որն ուղարկվել է Ուկրաինայի նորընտիր նախագահին:
Անդրադառնալով ԵԱՀԿ Մինսկի խմբի համանախագահների վերջին հայտարարություններին՝ նախարարն ասաց. «Բանակցային գործընթացն իր հունով ընթանում է: Մի քանի օրից համանախագահները կլինեն Ադրբեջանում, որովհետեւ վերջին անգամ, երբ տարածաշրջանում էին այցելեցին Ղարաբաղ, Ադրբեջանի ղեկավարությունը երկրում չէր, բնական հունով ընթանում է»:
Ինչ վերաբերում է համանախագահների առաջարկներին՝ Ղարաբաղի շրջակա տարածքները վերադարձնելու մասին, ասաց. «Նայեք այն առաջարկները, որոնք արվել են եռանախագահող երկրների նախագահների կողմից հինգ հայտարարության մեջ… դրանք են եռանախագահների կողմից արված հայտարարությունները»:
Հարցին, թե ձեզ չի՞ մտահոգում Ադրբեջանի սպառազինումը, նախարարն ասաց, որ դա նաեւ մտահոգում է միջազգային հանրությանն ու եռանախագահող երկրներին, որոնք կոչ են անում համապատասխան քայլեր ձեռնարկել հրադադարի ամրապնդման, դիպուկահարների դուրս բերման ուղղությամբ:
Կարդացեք նաև
Արփինե ՍԻՄՈՆՅԱՆ
