Այսօր , ժամը 16:46 Ասկերանում միանգամից ուժեղ կարկուտ ու փոթորիկ է սկսել: Մոտ 20 րոպեի ընթացքում քամին հասցրել է լուրջ վնաս հասցնել բնակելի շենքերին ու տներին:
Ամբողջությամբ պոկվել է Շահումյան փողոցի 76 շենքի տանիքը, որը ընկնելով շենքի բակում, վնասել է նաև այդտեղ կայանած ավտոմեքենաները: Այս պահի դրությամբ Ասկերանում են փրկարար ծառայության աշխատակիցները և բնակիչների հետ հնարավորինս վերացնում են քամու ավերածության հետևանքները:
Վնասների չափը ճշտված չի, սակայն հայտնի է, որ լուրջ վնասվել են տնամերձ բանջարանոցները, այգիները:
