«Ինձ, կամ իմ գործընկերներին այդ խնդիրը երբևէ չի հուզել, քանզի նույնիսկ պետական միջոցների անբավարար լինելու դեպքում «Գագիկ Ծառուկյան» բարեգործական հիմնադրամը պատրաստ է եղել հոգալու նույնիսկ պետական գործուղումների ծախսերը, իսկ պետական միջոցներ տնօրինողները պետք է հաշվետու լինեն իրենց որոշումների համար»,- Aravot.am-ի հետ զրույցում ասաց ԲՀԿ-ական պատգամավոր Տիգրան Ուրիխանյանը:
Պատգամավորը պատահական չի համարում, որ որոշ լրատվամիջոցներում խեղաթյուրվեց իր հարցը`պատգամավորների գործուղումների վերաբերյալ, ներկայացնելով այն իբրեւ «գործուղումների օրապահիկի կռիվ»: «Լավ գիտեմ, որ կպա թույլ տեղին»,- ասաց նա:
Հիշեցնենք, այսօր խորհրդարանում, անցյալ տարվա բյուջեի կատարողականի ժամանակ պատգամավորը հարցրել էր, թե ի՞նչ սկզբունքով են, իբր տնտեսելու պատրվակով չեղյալ համարվել չափազանց փոքր ծախս պահանջող որոշ գործուղումներ, ինչի արդյունքում Հայաստանի խորհրդարանը ներկայացված չի եղել իր կարծիքով բավական կարեւոր միջոցառումների: Պատգամավորը հարցը չէր մասնավորեցրել` խոսելով երևույթի ու սուբյեկտիվ որոշումների մասին: Մինչդեռ ԱԺ աշխատակազմի ղեկավարի տեղակալը ներկայացրեց կոնկրետ ծախսված թվեր հաշվետու տարվա համար:
Կարդացեք նաև
Նելլի ԳՐԻԳՈՐՅԱՆ
