Այսօր Արաբկիր Քանաքեռ եւ Զեյթուն վարչական շրջանների ընդհանուր իրավասության դատարանում պահեստազորի գնդապետ, ազատամարտիկ Վոլոդյա Ավետիսյանի գործով դատական նիստը սկսվեց հայրենասիրական երգերով:
Նախախորհրդարանի մի խումբ ակտիվիստներն ու ազատամարտիկները երգելուց բացի պահանջում էին ազատ արձակել Վոլոդյա Ավետիսյանին՝ վանկարկելով «հերոս»: Ազատամարտիկին նրանք դիմավորեցին ու ճանապարհեցին ծափերով:
Իսկ դատախազ Պապիկյանին եւ դատավոր Ավետիսյանին, հավաքվածները դիմավորեցին սուլոցներով եւ «դավաճան» վանկարկելով:
Վոլոդյա Ավետիսյանի պաշտպան Արա Զաքարյանը այսօր էլ դատավորի ինքնաբացարկ հայտնելու միջնորդություն ներկայացրեց, բայց մոտ մեկ ժամ տեւած խորհրդակցությունից հետո դատարանը այն մերժեց:
Կարդացեք նաև
Պարոն Զաքարյանը այլ միջնորդություն էլ ներկայացրեց՝ կրկին պահանջելով Վոլոդյա Ավետիսյանին ազատ արձակել: Դատարանն այս միջնորդության վերաբերյալ իր որոշումը կայացնելու համար դատական նիստը հետաձգեց մինչեւ հունիսի 6-ը:
Արփինե ՍԻՄՈՆՅԱՆ
