«Ազատություն». Կիրակի օրը Մոսկվա-Երևան չվերթն իրականացնող օդանավը թռիչքից 40 րոպե անց տագնապի ազդանշանի պատճառով վերադարձել է «Շերեմետևո» օդանավակայան:
Ուղևորների թվում է եղել նաև Հայաստանի պաշտպանության նախարար Սեյրան Օհանյանը: Այս լուրը «Ազատություն» ռադիոկայանի հետ զրույցում հաստատեց ՊՆ մամուլի քարտուղարը:
«Ինտերֆաքսը» հաղորդում է, որ արտակարգ վայրէջքի պատճառը օդանավի բեռնախցում ծխի առկայությունն էր:
Ռուսաստանի ներքին գործերի նախարարության տրանսպորտի հարցերով վարչության մամուլի ծառայությունը հաղորդում է, որ տուժածներ չկան:
«Այսօր ծամը 11:23-ին «Աէրոֆլոտ» ընկերության օդանավը Մոսկվայի «Շերեմետևո» օդանավակայանից թռիչք է կատարել դեպի Երևան: Քառասուն րոպե անց աշխատել է տագնապի ազդանշանը, ցույց տալով ծխի առկայություն բեռների հատվածում»,- կիրակի օրը «Ինտերֆաքսին» ասել է մամուլի ծառայության աշխատակիցը:
Հրապարակումն ամբողջությամբ՝ սկզբնաղբյուր կայքում:
