Դերասան Սեպուհ Ապիկյանը, որը մայիսի 23-ին մոտոցիկլետով վթարի էր ենթարկվել Երեւանում, վթարից առաջ ու հետո տեղի ունեցածի մասին ոչինչ չի հիշում: Այս մասին այսօր՝ մայիսի 23-ին, NEWS.am-ի հետ զրույցում ասել է դերասանը:
«Խանութ պետք է գնայինք աղջկաս հետ, էդ խանութն էլ մի քիչ հեռու էր:Միայն հիշում եմ, որ աղջկաս հեռախոսը տարանք, տվեցինք իմ մայրիկին, ասեցինք՝ մենք գնում ենք խանութ: Թե ոնց է եղել էդ ամեն ինչը, բացարձակ չեմ հիշում: Գիտեմ, որ Ջրվեժի տարածքում է եղել, բայց մնացած ոչինչ չեմ հիշում, արթնացել եմ հիվանդանոցում: Երեխան նորմալ էր, ես՝ լրիվ կոտրվածքներով: Հիմա լրիվ շոկային վիճակի մեջ եմ, չեմ կարողանում նստել, կոտրվածքները ցավում են»,-պատմեց դերասանը, որն այսօր Վերակենդանացման բաժանմունքից տեղափոխվել էր հիվանդասենյակ:
Նշենք, որ դերասանի աղջիկը՝ Մելինե Ապիկյանը, այսօր դուրս է գրվել հիվանդանոցից: Նա մարմնական վնասվածքներ ստացած չի եղել, Սեպուհ Ապիկյանը ուղեղի ցնցում է տարել, կոտրվել է նրա կողոսկրը, ատամները, պատռվել է դեմքը: Դերասանը դեռ մի քանի օր կմնա հիվանդանոցում՝ մինչև լիովին կազդուրվելը։
Լուսանկարը՝ style.news.am-ի
Կարդացեք նաև
Հրապարակումն ամբողջությամբ՝ սկզբնաղբյուր կայքում:
