Ըստ ՀԱԿ խմբակցության ղեկավար Լեւոն Զուրաբյանի՝ օլիգարխիան, որը երիտասարդ տեխնոկրատների կառավարության հետեւում թաքնված, ավազակապետության ռեժիմին մարդկային դեմք տալով էր փորձում գործել, այժմ մերկացել է եւ անձամբ է ստանձնել իր պաշտպանության գործը. «Այսօր ամենակոռումպացված, ամենաօդիոզ պաշտոնյաները, օլիգարխ պաշտոնյաներն իրենք են զբաղեցնում բոլոր առանցքային պաշտոնները»:
Լեւոն Զուրաբյանը համարում է, որ կառավարության ծրագրի ընդունումը տապալվել է, քանի որ անցել է 70 կողմով, որոնցից առնվազն երեքը կեղծված ձայներ են, ՕԵԿ-ից ճնշումներով «պոկել են» մեկ ձայն, երկու ձայնն էլ ԱԺ հարբած պատգամավորներ են եղել, որոնց «անգիտակից կամ կիսագիտակից» վիճակում «պեղել, քերել բերել են» քվեարկության: Ըստ Զուրաբյանի՝ սա նոր երեւույթ է հայ քաղաքական կյանքում»:
Բացի իշխանական ռեսուրսները փոշիացնելուց՝ Լեւոն Զուրաբյանը քառյակի համախմբված եւ հետեւողական գործունեության եւ մի արդյունք նշեց՝ օրենսդրական աշխատանքի տեմպերի դանդաղում. «Մեր համախմբված աշխատանքը էականորեն անդրադարձել է օրենսդրական աշխատանքի տեմպի վրա, օրենքները էապես դանդաղ են ընդունվում, երկար քննարկումների արդյունքում, դա է պատճառը, որ մտել ենք արտահերթների շրջան, անդադար աշխատում ենք, ոչինչ, կարեւորը, որ արդյունք լինի»:
Մելանյա ԲԱՐՍԵՂՅԱՆ
Կարդացեք նաև
