Նախարարություն. Աճառյանի անվան դպրոցի տարածքում շինարարությունն իրականացվել է առանց համապատասխան փաստաթղթերի. «Հայկական ժամանակ»

Մայիսի 16-ին գրավոր հարցման միջոցով մշակույթի նախարար Հասմիկ Պողոսյանից «Հայկական ժամանակը» պարզաբանում եւ գնահատական էր խնդրել Հր. Աճառյանի անվան դպրոցի շենքի ապրիլի 29-ի փլուզման վերաբերյալ։ Դեպքից գրեթե մեկ ամիս անց նախարարությունը արձագանքել է կատարվածին։

Ըստ ՄՆ պարզաբանման, Աճառյանի անվան թիվ 72 դպրոցի տարածքում շինարարական աշխատանքների հետ կապված խախտումները կանխելու համար նախարարությունը իրականացրել է գործառույթներ համապատասխան պետական մարմինների եւ կազմակերպությունների հետ։ «Մասնավորապես՝ մարտի 11-ին նախարարության մասնագետները հերթական շրջայցի արդյունքում տեղում արձանագրել եւ դադարեցրել են դպրոցի տարածքում առանց համապատասխան փաստաթղթերի իրականացվող շինարարական աշխատանքները։

Նախարարությունը մարտի 14-ին եւ կրկին անգամ ապրիլի 14-ին վերսկսված աշխատանքների վերաբերյալ դիմել է Երեւանի քաղաքապետարան՝ օրինախախտումը կանխելու համար միջոցներ ձեռնարկելու եւ համապատասխան փաստաթղթեր ներկայացնելու պահանջով։ Միեւնույն ժամանակ, շինարարական աշխատանքների վերահսկման արդյունքների վերաբերյալ նախարարությունը գրությամբ դիմել է քաղաքաշինության նախարարություն։ Հաստատված նախագծի բացակայության պայմաններում՝ կրկին վերսկսված շինարարական աշխատանքների արդյունքում, ապրիլի 29-ին տեղի է ունեցել պահպանված պատի փլուզում։ Նույն օրը մշակույթի նախարարությունում համապատասխան մասնագետների եւ շահագրգիռ կողմերի հետ կայացել է հրատապ խորհրդակցություն-քննարկում։

Ստեղծված իրավիճակում նախարարությունը, պատմական միջավայրի պահպանման շահերից ելնելով, կառուցապատողից պահանջել է իրականացնել հուշարձան-շենքի վերականգնման եւ վերստեղծման աշխատանքներ։

Կարդացեք նաև

«Պարոն Փաշինյանը եւ ես մի ընդհանուր ծանոթ ունենք՝ Արտակ Քամալյանը, իրենց տան մոտ փոս էր առաջացել, տպավորություն էր՝ սմերչով խփել էին». Արթուր Խաչատրյան

• 13:46 10.04.2024

«ԵՄ-ի ամբողջ օրակարգը նրա մասին է, թե ինչպես են պատրաստ մեզ օգնել, որ մենք միլիարդներ աշխատենք ՀՀ-ում ու սրա-նրա ձեռին չնայենք». Փաշինյան

• 13:38 10.04.2024

Շինարարական օբյեկտներից ոչ մեկում դեռ տեղադրված չեն օդի որակը դիտարկող սարքավորումներ․ որոշումից անցել է երեքուկես ամիս․ «Հետք»

• 11:06 16.12.2023

Նշված աշխատանքներն իրականացնելու համար մշակույթի նախարարությունը պահանջել է կատարել փլուզված պատի պահպանված բեկորների տարհանումը եւ ապահովել դրանց պահպանությունը, որի վերաբերյալ նախարարության մասնագետների կողմից կկազմվի համապատասխան ակտ։

Վերոնշյալ աշխատանքներին ընթացք տալու համար մայիսի 5-ին ներկայացված համապատասխան նախագիծը համաձայնեցվել է ՀՀ մշակույթի նախարարության հետ»,- ասվում է նախարարության՝ «ՀԺ»-ին ուղղված պատասխանում:

Գագիկ ԱՂԲԱԼՅԱՆ

Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
Լուսանկարը՝ «Լրագիրի»