Հատվածներ ՀՀ վարչապետ Հովիկ Աբրահամյանի հետ հարցազրույցից:
– Պարոն Աբրահամյան, համարյա աստվածաշնչյան ստացվեց Ձեր «մուտքը Երուսաղեմ», այն է՝ կառավարության ծրագրի ներկայացումը ԱԺ-ում։ Հիսուսը, երեք անգամ դիմելով իր աշակերտին, ասաց. «Սիմոն-Պետրոս, արածեցրու իմ հոտը»։ Ի՞նչ արեց Պետրոսը, էական չէ, դառնանք Ձեզ, Դուք ևս ծրագիրը ներկայացնելիս երեք անգամ կրկնեցիք՝ իրատեսություն (երևի մե՞զ նկատի ուներ– Կ. Դ.), խստապահանջություն և ականջալուրություն։ Ինչո՞ւ երեք անգամ, ի՞նչ սիմվոլիկա էիք դրել այդ «երրորդության» խորքում։
– Որպեսզի բոլորը ընկալեն։
– Կա՞ն մարդիկ, ովքեր չեն ընկալում կամ վատ են ընկալում։
Կարդացեք նաև
– Իմ կարծիքով՝ այո։
– Ոչ մի հեռուն գնացող եզրակացություն՝ ես այսօր բարի եմ։ Պարոն Աբրահամյան, Ձեզ համար ամենադժվարը ո՞րն է այդ երեքից։
– Որ ծրագրով տված մեր խոստումներն իրականացնենք։
– Դուք կարծում եք՝ մնացած վարչապետները չէի՞ն ուզում իրենց խոստումներն իրականացնել։
– Ո՞նց չէին ուզում, ուզում էին։
– Բա ինչո՞ւ չկատարեցին։
– Կատարել են, ո՞նց չեն կատարել:
– Որքան տեղյակ եմ՝ ծրագիրը կազմելիս Դուք վերցրել եք նաև Հրանտ Բագրատյանի «100 քայլի» որոշ առանցքային տարրեր։
– Ինչո՞ւ միայն Բագրատյանից, բոլորից։
– Է՞լ ումից։
– Խորհրդարանում ներկայացված բոլոր քաղաքական ուժերից։ Նախարարություններն են նաև առաջարկներ արել, որոշ մասն ընդունել ենք, որոշ մասը՝ ոչ:
Կարմեն ԴԱՎԹՅԱՆ
Հարցազրույցն ամբողջությամբ կարող եք կարդալ «Իրատես de facto» թերթի այսօրվա համարում
