«ԱԺ դահլիճում սատանայական տրամադրություն կա»,- այսօր խորհրդարանում, կառավարության ծրագրի քննարկումների ժամանակ`հակադարձելով ընդդիմադիր պատգամավորների որակումներին ու պիտակավորումներին, նման հայտարարություն արեց ՀՀԿ խմբակցության ղեկավար Վահրամ Բաղդասարյանը: Նա հիշեց, որ ժամանակին, երբ ինքն էլ անկուսակցական էր, ինչպես էր հիանում «ընդդիմության կառուցողական առաջարկներով»:
Սակայն, այժմ, այս դահլիճում, ըստ ՀՀԿ-ական պատգամավորի, «կարծես սատանայական տրամադրություն լինի»: Նրա աչքից չի վրիպել, որ «դահլիճի այն մասում նստած հայ մարդը դահլիճի այս մասում նստած հայ մարդու ծնունդը չի շնորհավորում», դա իրեն դուր չի գալիս:
ՀՀԿ խմբակցության ղեկավարը նկատեց, որ ՀՀԿ անդամները չեն մտնում «որևէ մեկի ընտանիք», չեն հաշվում նրանց փողերը, չեն խոսում հորեղբոր տղաների զբաղմունքների մասին: «Սրա բաջանաղի տղեն ինչով է զբաղվում… Եվ այսպես քննարկում ենք կառավարության ծրագի՞ր: Դուք մի՞թե չեք կարողանում ձեր ելույթներն իրար հետ համատեղեք, երեք տարի տարբեր մարդիկ նույն բանն են ասում: Եթե ուրիշ բան չունեք ասելու, ասեք գրենք տանք, ասեք»,- ընդդիմությանը դիմեց ՀՀԿ խմբակցության ղեկավարը:
Իր ամփոփիչ ելույթում էլ վարչապետ Հովիկ Աբրահամյանը նկատեց, որ ՀԱԿ պատգամավոր Հրանտ Բագրատյանի ելույթը, ոչ թե քաղաքական գործչի, այլ պետական գործչի ելույթ էր: Ըստ վարչապետի, քաղաքական գործիչը մտածում է մյուս ընտրությունների մասին, պետական գործիչը`պետության: «Հարգելի ընդդիմադիրներ, սրա մասին մտածեք»,- ասաց վարչապետը`ընդդիմությանը հորդորելով`նկատի ունենալ, որ իր ցանկությունն ու հորդորն է`միասին աշխատել:
Կարդացեք նաև
Նելլի ԳՐԻԳՈՐՅԱՆ
հհկ կոչվող սատանայական բանդան երկիրըմդժողքի է վերածել և իր սատանայապետի բերանով հորջորջում է իրենց հանգիստ թողնել ` սատանայական խրախճանքների մեջ….
Երկիրը մաքրե’ք ձեր դժոխային ներկայությունից…