Շնորհակալություն Արամ Հայկազի հատորի հրատարակության հետ կապված խճճված ու անմիտ դատական գործում ինձ աջակցելու համար։
Շնորհակալություն նաեւ վերջին նամակս հրապարակելու համար։
Շնորհավորանքներս երրորդում եմ. Ձեր թերթի ապրիլի 29-ի համարում հրապարակված նամակս արդեն ներգործել է։
Անհավատալի է, բայց փաստ է՝ «Տիգրան Մեծի» նույն սենյակում միաժամանակ հրատարակության են պատրաստում երկու գիրք՝ Արամ Հայկազի «Մոռացված էջեր»-ի 5-րդ հատորը եւ սփյուռքի նախարարության 5 տարիների գործունեությունն ամփոփող գրքի վերահրատարակությունը՝ առանց Արամ Հայկազի վերոնշյալ գրքի Ա հատորի հիշատակման։
Կարդացեք նաև
Պարզվում է՝ մամուլի խոսքը լսում են։
Հասկանալի է՝ այսպես (հերթական անգամ պետական միջոցները շռայլելով) պաշտպանվում են արդարադատությունից, բայց կարծում ենք՝ իզուր են այդքան սարսափել մեր դատարաններից…
Մաղթում եմ հաջողություններ եւ նամակիս նման ազդու բազմաթիվ հրապարակումներ. գուցե այսպես քիչ-քիչ նմանվենք քաղաքակիրթ երկրներին։
Տա Աստված:
ՄԱՐԳԱՐԻՏ ԽԱՉԱՏՐՅԱՆ
ՀՀ «Տարվա Ուսուցիչ» (1993), բանասիրական գիտությունների դոկտոր
«Առավոտ» օրաթերթ
