Ռուսական զորքերը Ուկրաինայի սահմանից հետ քաշելը Ուկրաինայի նախագահի ընտրություններից առաջ բարենպաստ պայմաններ կստեղծի, հայտնել է ՌԴ նախագահ Վլադիմիր Պուտինը:
Պուտինը խոստովանել է, որ ռուսական զորքերը բավական մոտ են եղել Ուկրաինայի սահմանին, բայց հետո նա հրամայել է վարժանքների վայր տեղափոխել նրանց. «Բայց հիմա պաշտպանության նախարարությունը նոր հրաման է ստացել, այն է՝ հանել նրանց նույնիսկ այդ հրաձգարաններից», – ասել է Պուտինը, – «Դա չի արվում այն պատճառով, որ մենք վարանում ենք մեր զորքն այնտեղ պահել: Ի վերջո մենք ինքնիշխան պետություն ենք և պահում ենք մեր զորքն այնտեղ, որտեղ մենք ենք ուզում», – նշել է նա՝ ավելացնելով, որ զորքը հետ են բերել, որպեսզի դրա շուրջ ոչ մի շահարկում չլինի:
Թեև Պուտինը հավաստիացնում է, որ զորքը մշտական տեղակայման վայր բերելու հրաման է տվել, սակայն ՆԱՏՕ-ն և Ուկրաինայի ԱԳՆ-ը պնդում են, որ զորքը հետ քաշելու ոչ մի նշաններ չեն տեսնում:
Կարդացեք նաև
Պատրաստեց Հովհաննես ԻՇԽԱՆՅԱՆԸ
