Ազգագրագետ Հրանուշ Խառատյանը չի զարմանա, եթե պարզվի, որ Կ. Դեմիրճյանի անվան մարզահամերգային համալիրի նոր գնորդն էլ է ԱԺ ՀՀԿ պատգամավոր Սամվել Ալեքսանյանը եւ համալիրի տեղում էլ է Yerevan.city լինելու. «Ամեն ինչ հնարավոր է, ոչինչ չեմ բացառում»:
Համալիրի շուրջ գործարքային խոսակցությունները նրան վաղուց են հասել, բայց դեռ չի շտապում շենքի վաճառքի վերաբերյալ գնահատականներ տալ, միայն նկատեց, որ Հայաստանում հուշարձանների հետ տարօրինակ բաներ են կատարվում, հերթով աճուրդի են հանվում, վաճառվում.« Մեր երկրում վաճառվող հերթական օբյեկտն է, հուշահամալիրի արժեքը իսպառ բացակայում է, պահպանվող հուշարձանների ցանկում էլ լինեն, կարեւոր չէ, եթե փող կա արանքում, ամեն ինչ վաճառվում է, ամեն ինչ գնվում է: Վաղն էլ կարող են պատմության թանգարանը աճուրդի հանել, մյուս օրը՝ մեկ այլ հուշարձան: Վերջում էլ կառավարությունը կլուծարեն, շենքը աճուրդի կհանեն, գնում ենք Մաքսային միություն, կառավարությունն ի՞նչ ենք անում»:
Արփինե ՍԻՄՈՆՅԱՆ
