Ճարտարապետ Սարհատ Պետրոսյանը մտահոգություն ունի, որ Կարեն Դեմիրճյանի անվան մարզահամերգային համալիրի շենքի վաճառքը կարող է վտանգել ճարտարապետական տեսքը:
«Մտահոգություն այնն է, որ այն խիստ պայմանները, որոնք դրված էին նախորդ պայմանագրի մեջ այս անգամ կարող է չլինեն: Վաճառքի նախորդ պայմանագրում հստակ պահանջ կար, որ շենքի նշանակությունը պետք է մնա ու մարզահամերգային նպատակներով պետք է օգտագործվի: Հույս ունեմ, որ այս օտարման ժամանակ էլ այդ պահանջները նման խիստ ձեւով կդրվեն, որ չստացվի փակ շուկայի պատմությունը, երբ շենքին վերաբերում էին ոչ թե հուշարձան, որ հատուկ նպատակի համար է նախագծվել, այլ որպես քառակուսի մետր : Քանի որ մշակույթի նախարարությունը չի կարողանում մասնավորի հետ իր գործառույթները լավ կատարել, լուրջ մտահոգություններ ունեմ ու հիմքեր չունենք լավատես լինելու: Ծածկած շուկայից հետո ցանկացած հուշարձան կարող է նույն վիճակում հայտնվել»,- ասաց Սարհատ Պետրոսյանը:
Նա նաեւ նկատեց, որ այս անգամ համալիրի վաճառքի գինը մի քանի անգամ ավելի թանկ է՝ 19 մլրդ 350 մլն 100 հազար ՀՀ դրամ նախնական արժեքով. «Նախորդը, եթե չեմ սխալվում, ութ միլիոն դոլար էր, ու պետությունը կարողացել էր խիստ պահանջներ դնել, հիմա, երբ գումարը մեծացել է, պետական շահերը առաջ տանելու ռիսկի հավանականությունը կնվազի»:
Հիշեցնենք, որ Կարեն Դեմիրճյանի անվան մարզահամերգային համալիրը մայիսի 19-ից հանվել է աճուրդի, ԴԱՀԿ ծառայության փոխանցմամբ, ժամկետը լրանում է մայիսի 29-ին:
Կարդացեք նաև
Արփինե ՍԻՄՈՆՅԱՆ
