Մամուլում հրապարակված տեղեկությունների համաձայն՝ «Երևանի Անանիա Շիրակացու անվան ճեմարանի» տարածքում հանվել է բջջային կապից օգտվելու արգելքը՝ որոշ վերապահումներով։ Պարզվում է՝ ճեմարանի սաներին թույլատրվել է օգտագործել միայն «Օրանժ Արմենիա» ընկերության կողմից տրամադրված հեռախոսն ու քարտը:
«Ժողովրդի» հետ զրույցում «Անանիա Շիրակացի ճեմարանի» տնօրեն Աշոտ Ալիխանյանը պատճառաբանել է, թե հարյուրավոր այլ ընկերություններ ևս տարբեր առաջարկներ են արել, բայց «Օրանժինն» ամենահարմարն է եղել:
Ստեղծված իրավիճակի վերաբերյալ փորձեցինք մեկնաբանություն ստանալ Հայաստանի մյուս բջջային օպերատորներից: «Վիվասել-ՄՏՍ» ընկերության մամուլի քարտուղար Վահե Իսահակյանն լրագրողներին հայտնել է, որ ճեմարանից, որևէ ծրագիր ներկայացնելու վերաբերյալ առաջարկություն չեն ստացել։«Մենք այս պատմության մասին իմացել ենք մամուլից: Ընդ որում՝ նորից եմ ասում, ճեմարանից մենք պայմաններ, ծրագիր ներկայացնելու առաջարկություն չենք ստացել»,- ասաց Վահե Իսահակյանը:
Կարդացեք նաև
Մանրամասները կարող եք կարդալ «Փաստինֆո»-ի կայքում
