«Պետությունը պետք է պաշտպանի սպառողին». Գենադի Օնիշչենկո (Տեսանյութ) 

Այսօր Ծաղկաձորում մեկնարկեց ԱՊՀ անդամ պետությունների սպառողների իրավունքների պաշտպանության խորհրդատվական խորհրդի 6-րդ նիստը։
Նիստի ներկաների շարքում էին ԱՊՀ անդամ պետությունների սպառողների իրավունքների պաշտպանության ոլորտի պաշտոնյաներ, Հայաստանի Հանրապետության պաշտոնատար անձինք եւ հասարակական կազմակերպությունների ներկայացուցիչներ:

ՀՀ Էկոնոմիկայի նախարար Կարեն Ճշմարիտյանը, լրագրողների հետ ճեպազրույցում ասաց, որ ԱՊՀ ձեւաչափով այս հանդիպումը հարստացնում է բոլորին նոր գաղափարներով:Պրն Ճշմարիտյանը տեղեկացրեց, որ Հայաստանը նիստում ներկայացնում են ոչ միայն պետական մարմինները, այլ նաեւ հասարակական կազմակերպությունները. «Սա նշանակում է, որ այստեղ կա նաեւ պետության եւ հասարակական կազմակերպությունների միջեւ համագործակցություն»: Նախարարը հայտնեց, որ սպառողների պաշտպանության ոլորտում խնդիրները բազմաթիվ են. «Հիմնականում դրանք վերաբերում են մարդու կյանքին,առողջությանը եւ անվտանգությանը»:

Նախարարի խոսքերով՝ պետության կողմից որոշակի քայլեր պետք է ձեռնարկվեն, որպեսզի հասարակական կազմակերպությունները ավելի ուժեղ լինեն եւ նրանց ձայնը ավելի հասանելի լինի թե՛ պետության, եւ թե՛ հասարակության համար։

Մանրամասն՝ շուտով տեսանյութում

Կարդացեք նաև

«Ոչինչ էլ չի վերջացել, և չի կարող վերջանալ, պատմության անիվը պտտվում է, և մեզնից է կախված՝ կընկնենք այդ անիվի տակ, թե կվերականգնվենք»

• 23:50 02.10.2023

Ադրբեջանի տարածքում «միջազգային երաշխի՞ք։ Այդ ո՞ր երկրներն են, որ կարող են ապահովել «միջազգային երաշխիքներ» Ադրբեջանի ներսում. Կարեն Ճշմարիտյան

• 17:02 29.05.2023

Քանի անգամ պետք է նույն բանը կրկնեն, որ վերջապես ընկալվի, թե որ երկրից, որ կենտրոնից, երբ և ինչ կարելի է ակնկալել, խնդրել, կամ պահանջել․ Կարեն Ճշմարիտյան

• 11:37 18.01.2023

ԱՊՀ անդամ պետությունների սպառողների իրավունքների պաշտպանության խորհրդատվական խորհրդի նախագահ Գենադի Օնիշչենկոն՝ լրագրողների հետ զրույցում անդրադառնալով նիստի կարեւորությանը, հայտնեց, որ 1991 թվականից սկսած ԱՊՀ բոլոր երկրներում սպառողների իրավունքների պաշտպանության վերաբերյալ օրենքների ընդունման շնորհիվ ամրացել է քաղաքացիների պաշտպանվածությունը բոլոր բնագավառներում՝ սկսած առողջապահությունից մինչեւ ֆինանսական խնդիրները:

Գ. Օնիշչենկոն տեղեկացրեց, որ խորհրդի շրջանակներում մշակվել են սպառողների իրավունքների պաշտպանության վերաբերյալ օրենքներ. «Այս օրենքները հնարավորություն են տալիս սպառողին լինել ավելի գրագետ եւ տեղեկացված, հնարավորություն են տալիս սպառողին իմանալ իրենց իրավունքները եւ օգտվել այդ իրավունքներից: Իսկ պետությունն էլ իր իրավասությունների շրջանում պետք է պաշտպանի սպառողին»:

ՀՀ էկոնոմիկայի նախարարության Շուկայի վերահսկողության պետական տեսչության պետ Լևոն Խալիկյանը լրագրողներին ասաց, որ նիստի հիմնական նպատակը սպառողների շահերը պաշտպանող պետական եւ հասարակական կազմակերպությունների հետ համագործակցությունն է: Լ. Խալիկյանը առանձնացրեց, որ Հայաստանում ամենաշատը սպառողների իրավունքները խախտվում են այն ոլորտներում, որոնք վերաբերում են սպառողների կյանքին եւ առողջությանը. «Թե՛ հագուստը, թե՛ խաղալիքները, թե՛ վառելիքը բոլորը համարվում են ռիսկային գործոններ եւ սպառողների կյանքի համար վտանգավոր են: Եթե սպառողը գիտի իր իրավունքները, ապա ռիսկերը նա հասցնում է մինիմալի»:

Էլյա ՀՈՎՀԱՆՆԻՍՅԱՆ