«Իրատեսական`խոստումների եւ ռեսուրսների առումով, խստապահանջ եւ ականջալուր` հանրային մտահոգությունների ու քաղաքական ուժերի բարձրացրած խնդիրների քննարկման առումով»,- այսպիսին է Հովիկ Աբրահամյանի բնորոշմամբ, կառավարության ծրագիրը, որն այսօր խորհրդարանում ներկայացրեց վարչապետը:
«Մարդիկ փոփոխություն են զգալու»,- խոստացավ վարչապետը:
Ասաց, որ կառավարությունը պատրաստ է աջակցել ցանկացած գործարարի, ձեռք մեկնել ցանկացած քաղաքացու`բաց, թափանցիկ ձեւով: Դրամաշնորհները կլինեն հրապարակային, օրենքի ուժով եւ օրենքի սահմաններում:
«Բոլորը պետք է իմանան, որ զոռբայությամբ եւ իշխանական լծակներով, մեր երկրում ոչ ոք չի կարողանալու տիրանալ ուրիշի ունեցվածքին: Ես պայքարելու եմ դրա դեմ»,- ասաց վարչապետը:
Կարդացեք նաև
Նաեւ հավելեց, որ պայքարը ստվերի դեմ լինելու է անողոք, անաչառ: Փաստաթղթավորումը պարտադիր է լինելու բոլորի համար: Վարչապետը մեկ անգամ էլ կրկնեց, որ խստապահանջ է լինելու առավելապես իր մերձավորների նկատմամբ եւ դա պահանջելու է կառավարության բոլոր անդամներից: «ՀՀ տնտեսությունը պետք է բաց լինի թե հայրենական, թե օտարերկրյա ներդրողների համար»:
Նելլի ԳՐԻԳՈՐՅԱՆ
