ԱԺ ՀՀԿ խմբակցության պատգամավոր Մարգարիտ Եսայանը հանդես է եկել հայտարարությամբ, որտեղ անդրադարձել է կուսակից Շուշան Պետրոսյանի պահվածքին.
Հարգելի լրագրողներ, չորրորդ իշխանության իմ սիրելի գործընկերներ, այսօր տեղի է ունեցել թյուրիմացություն եւ չհասկացվածություն, ԱԺ պատգամավոր Շուշան Պետրոսյանի եւ իմ շատ սիրելի եւ հանրապետությունում հարգված հայտնի լրագրող Ռուզաննա Ստեփանյանի միջեւ, ես, որպես ԱԺ պատգամավոր ներողություն եմ խնդրում բոլոր լրագրողներից եւ հատկապես Ռուզանից,այս անհաճո միջադեպի համար, եւ վստահեցնում եմ, Շուշանը որեւէ անձի եւ որեւէ մասնագիտություն վիրավորելու միտում չի ունեցել, ներող եղեք, եթե այդպես է ընկալվել: Ես եւ Ռուզաննա այս միջադեպից հետո զրուցել ենք ՀՀԿ խմբակցության ղեկավար Վահրամ Բաղդասարյանի հետ եւ խմբակցության ղեկավարը նույնպես ներողություն է խնդրել կատարվածի համար:Վստահ եմ, համապատասխան խոսք կասի նաեւ Շուշան Պետրոսյանը:
Մարգարիտ Եսայան
