Միջազգային կինոքննադատների մի մեծ շրջանակ շատ ցածր գնահատականներ է տվել Կաննի կինոփառատոնում օրերս ցուցադրված՝ Ատոմ Էգոյանի «Պատանդը» ֆիլմին: Կանադահայ կինոռեժիսորի՝ «ալյա դետեկտիվ» կինոնկարը քննադատող հոդվածներ են լույս տեսել բրիտանական ու ամերիկյան մի շարք առաջատար թերթերում, գրում է «Սի Բի Էս»-ը:
Ֆիլմի սյուժետային հիմքում մի աղջկա առևանգումն է: Մինչ երկու դետեկտիվները փնտրում են աղջկան, ներկայացվում է, թե ինչպես են սիրահարվել, ու ինչ զարգացում է ունեցել նրա ծնողների սերը:
«Սյուժետային կառուցվածքն այնքան անհուսորեն է խճճվել ու հեռացել հոգեբանական բարդությունից, որ շատ դժվար է դարձրել հետաքրքրվածությունը, թե այդ մարդկանցից ցանկացածի հետ ինչ է կատարվում»,- գրել է «Հոլիվուդ Ռիփորթեր»-ի կինոքննադատը՝ «Պատանդը» գնահատելով Էգոյանի ամենավատ ֆիլմը:
Ֆիլմը ցածր գնահատականների են արժանացրել բրիտանական «Գարդյան»-ի, ամերիկյան «Չիկագո Տրիբուն»-ի և մի շարք այլ հեղինակավոր թերթերի կինոմեկնաբաններ:
Կարդացեք նաև
Պատրաստեց Հովհաննես Իշխանյանը
