Մինչ հերթական քառօրյայի մեկնարկն այսօր խորհրդարանական խմբակցությունները փակ նիստեր են արել, որտեղ վերջնական հստակեցումներ են մտցրել կառավարության ծրագրին` իրենց վերաբերմունքի առիթով:
Հիշեցնենք, որ կառավարության ծրագիրն այս քառօրյայում ներկայացվելու է խորհրդարանի դատին: Այն դեռ պաշտոնապես չի ներկայացվել խորհրդարանին, ներկայացված է նախնական տարբերակը, սակայն, ակնկալվում է, որ այդ գործընթացը մինչեւ վաղը կեսօր կավարտվի, իսկ կեսօրից կառավարության ծրագրի քննարկումները կսկսվեն:
ԲՀԿ խմբակցությունում կառավարության ծրագրի քվեարկության առումով վերջնական որոշում դեռ չկա: Սակայն, ինչպես լրագրողներին տեղեկացրեց ԲՀԿ խմբակցության պատգամավոր Միքայել Մելքումյանը, ԲՀԿ-ում այս պահին հակված չեն կողմ քվեարկելուն:
ՀԱԿ-ում, ինչպես հայտնի է, այդքան էլ բարյացակամ տրամադրված չեն այս իշխանության որեւէ նախաձեռնությանը, սակայն, առայժմ որեւէ դիրքորոշում արտահայտելուց ձեռնպահ են մնում`հուսալով քառյակի հետ ընդհանուր դիրքորոշման հանգել:
Կարդացեք նաև
ՕԵԿ-ը ևս վերջնական տեսակետ դեռ չունի: Լրագրողների հարցին`ինչպե՞ս եք քվեարկելու կառավարության ծրագրին, ՀՅԴ խմբակցության քարտուղար Աղվան Վարդանյանն ասաց`«սիրով»:
Նելլի ԳՐԻԳՈՐՅԱՆ
