ԵԱՀԿ գործող նախագահի հատուկ ներկայացուցիչ, դեսպան Վոլֆգանգ Իշինգերը ուկրաինացիներին կոչ է արել իրենց խնդիրները լուծել բացառապես խաղաղ ճանապարհով, գրում է ուկրաինական «Ինտեֆաքս»-ը:
«Ես ցանկանում եմ ԵԱՀԿ-ի անունից դիմել Ուկրաինայի ամբողջ բնակչությանը, որպեսզի նրանք փոխզիջումների գնան բացառապես խաղաղ ճանապարհներով: Ուկրաինացիներ, խնդրում եմ, օգտվեք խոսքերից, ոչ թե զենքերից», – ասել է Իշինգերը Խարկովում կայացած համաժողովրդական երկրորդ «կլոր սեղանի» ժամանակ՝ նշելով, որ այդ միջոցառմանն են գտնվում բազմաթիվ ներկայացուցիչներ, որոնք կարող են քննարկել պետության խնդրահարույց հարցերը, – «Մեր համագործակցության վերջին երկու-երեք օրերի արդյունքներով, կարող եմ ասել, որ սա շատ սերտ համագործակցություն է, որն ընդգրկում է մի շարք ներկայացուցիչների: Իհարկե, մենք չենք կարող բոլոր հարցերը քննարկել, սակայն այն քննարկումները, որ մենք ունեցել ենք Կիևում ու կլինեն այսօրվա և հետագա հանդիպմանը, թույլ կտան մոտենալ գործընթացի բոլոր կողմերին ու մեր խնդիրների լուծման ընդհանուր պատկեր կազմեր», – ասել է նա:
Պատրաստեց Հովհաննես ԻՇԽԱՆՅԱՆԸ
Կարդացեք նաև
