«Թող ՕԵԿ-ը շարունակի առաջարկություն անել»,-հարցին՝ ՕԵԿ-ը պարբերաբար քառյակի հետ համագործակցության առաջարկ է անում, սակայն «ձեռքը պարզած է մնում»,-այսօր «հրաշալի քառյակի» դռնփակ նիստից հետո այսպես արձագանքեց ՀԱԿ խմբակցության ղեկավար Լևոն Զուրաբյանը: Այնուհետև շարունակեց. «Առաջ քաղաքական կեղծ մեծամասնությունն ուներ հինգ ձայն ավել, հիմա ունի հինգ ձայն պակաս: Եթե դա շարունակվի, դրանով ՕԵԿ-ը օգուտ կբերի»: Հարցին՝ քառյակը չի՞ ուզում հինգ ձայն ավել ունենալ՝ հանձինս ՕԵԿ-ի, պարոն Զուրաբյանը պատասխանեց. «Դա արդեն նշանակում է հինգ ձայն ավել քառյակի համար»:
Լևոն Զուրաբյանը շեշտեց, որ քառյակը մի շարք հարցերի, այդ թվում նաև կառավարության ծրագրի վերաբերյալ դիրքորոշման ձևավորման շարքում քննարկել է նաև ՀՅԴ նախաձեռնությունը՝ կապված համամասնական ընտրական համակարգին անցնելու օրինագծի հետ ու նշեց. «Այստեղ կա լիարժեք միասնություն: Բոլոր չորս խմբակցություններն էլ համարում են, որ այն համակարգը, որ այսօր գոյություն ունի ՀՀ-ում, նպաստում է քաղաքական համակարգի աղճատվածությանը և մեծամասնական մանդատներով ընտրվում են մարդիկ, որոնք նպաստում են իշխանությունների վերարտադրմանը: Համարում ենք, որ անցումը 100 տոկոսանոց համամասնական համակարգին էական փոփոխություն կմտցնի ՀՀ-ում ժողովրդավարության ապահովման առումով: Այդ նախագիծը չորս քաղաքական ուժերի կողմից ունի լիակատար աջակցություն:
Խմբակցություններն հնարավորություն ունեն որևէ օրինագիծ համարել հրատապ, և Դաշնակցությունը դրանից օգտվել է: Բայց դա միասնական նախաձեռնություն է և մենք բոլորս կաջակցենք Դաշնակցությանը»:
Տաթև ՀԱՐՈՒԹՅՈՒՆՅԱՆ
Կարդացեք նաև
Ինձ համար նույնչափ պարզ ու հասկանալի և գուշակելի է օեկ-ի գործողությունները, ինչպես և մնացած չորսինը՝ միասին վերցրած, որոնք շարունակում են մոլորեցնել ժողովրդին։ Ցավոք մեր ժողովուրդը՝ մազախիստի պես էլի ու էլի ուզում է իրեն խաբեն։ Մի՞ թե՛կորցրել են զգայողական իմունիտետը, և չեն հասկանում, որ վերջին հաշվով բոլորն էլ օեկ են։