«Դա քառյակ չէ, դա դավաճանների քառյակ է»,-Aravot.am-ի հարցին՝ այդքան քննադատում եք իշխանություններին՝ այդ դեպքում ինչու՞ չեք պահանջում իշխանությունների հրաժարական, կամ գոնե միանում ոչ իշխանական քառյակին, այսպես պատասխանեց ԱԻՄ նախագահ Պարույր Հայրիկյանը:
Այնուհետև շարունակեց քառյակի հասցեին քննադատություններ տեղացնել. «Ռազմավարական այդ ո՞ր հարցում է քառյակը հակադրվել իշխանություններին: Այն քառյակը, որ Գալուստի օգտին քվեարկե՞ց: Ինձ համար նման քառյակ գոյություն չունի: Մեկ-մեկ էլ խոսում են իշխանափոխության մասին: Եկեք մեզ չխաբենք»:
Դառնալով հարցի այն մասին, թե ինչո՞ւ իշխանափոխություն չեն պահանջում, պարոն Հայրիկյանն ասաց. «Կարգին մարդկանց համար իշխանափոխության խնդիր չկա, կա իշխանությունը ժողովրդին հանձնելու խնդիր: Թե չէ դեղնակտուց Լևոնին փոխեցին Ռոբերտով, Ռոբերտին՝ Սերժով: Էվոլյուցիա չեղավ»:
Տաթև ՀԱՐՈՒԹՅՈՒՆՅԱՆ
