ԵԱՀԿ-ի Մինսկի խմբի համանախագահ Ջեյմս Ուորլիքը նշել է, որ Լեռնային Ղարաբաղի հակամարտության շուրջ ձևավորված ստատուս-քվոն «անընդունելի է և գնալով ավելի վտանգավոր է դառնում»:
Այս մասին հայտարարությամբ Ջեյմս Ուորլիքը հանդես է եկել՝ ադրբեջանական «1news.Az» լրատվամիջոցին տված հարցազրույցում, որի ընթացքում լրագրողը հիշեցրել է համանախագահ Ուորլիքին այն մասին, որ մայիսի սկզբին «Քարնեգի» հիմնադրամում ներկայացնելով Լեռնային Ղարաբաղի հակամարտության կարգավորման վեց տարրերը, համանախագահն օգտագործել է «Ադրբեջանի գրավյալ տարածքներ» արտահայտությունը:
«Արդյո՞ք դա նշանակում է, որ Միացյալ Նահանգներն այժմ ավելի մեծ ճնշում են գործադրելու Հայաստանի՝ որպես իր ուժերը հետ քաշել պարտավոր ագրեսորի նկատմամբ, թե դա ևս մեկ հայտարարություն է, որը կմնա թղթի վրա», – հարցրել է լրագրողը:
Պատասխանելով լրագրողի հարցին՝ ԵԱՀԿ-ի Մինսկի խմբի համանախագահն ասել է, որ Լեռնային Ղարաբաղը շրջապատող տարածքները գրավյալ են և պետք է վերադարձվեն Ադրբեջանի վերահսկողությանը, և դա համապարփակ կարգավորման տարրերից մեկն է:
Կարդացեք նաև
Արմեն Հովհաննիսյան
Նյութի մանրամասները կարդացեք «Ամերիկայի Ձայն»-ի կայքում
