ՏՄՊՊՀ վերլուծության վարչության մասնագետ Արսեն Պետրոսյանի ներկայացմամբ,
Նոր Նորք վարչական շրջանի մի քանի տասնյակ բնակիչներ բողոքով դիմել են հանձնաժողովին` տեղեկացնելով, որ իրենց համայնքում մոտ 35 %-ով բարձրացվել են վերելակների սպասարկման վճարները: Հանձնաժողովը դիմել է «Նոր Նորք վերելակ» ընկերությանը՝ պահանջելով ներկայացնել պարզաբանումներ եւ փաստաթղթային հիմնավորումներ, թե ինչո՞ւ է թանկացրել վերելակների սպասարկման վարձը:
«Նոր Նորք վերելակ»-ը վճարների բարձրացումը պայմանավորել է որոշակի ծախսերի եւ հարկերի բարձրացմամբ: Սակայն ուսումնասիրության արդյունքում, ինչպես տնտեսական մրցակցության հանձնաժողովի նախագահ Արտակ Շաբոյանն ասաց, հանձնաժողովը պարզել է, որ սպասարկման վճարի 35 % բարձրացումն անհիմն է: Ընկերության ներկայացուցիչները ընդունել են, որ, իսկապես, իրենց կողմից կատարվել է գնային անհիմն բարձրացում:
Հաշվի առնելով, որ ընկերությունը ընդունել է սակագնի բարձրացման չհիմնավորված լինելու փաստը եւ կարճ ժամանակ անց սկսել է վերանայել արդեն իսկ կնքված պայմանագրերը, ՏՄՊՊՀ-ը որոշեց ընկերությանը տալ խիստ նախազգուշացում: Որոշմամբ սահմանվեց նաեւ մեկշաբաթյա ժամկետում ավարտել բոլոր պայմանագրերի վերանայումը՝ սակագները նվազեցնելով չհիմնավորված բարձրացման չափով:
Նշենք, որ «Նոր Նորք վերելակը» իրականացնում է Նոր Նորք վարչական շրջանում առկա 592 վերելակներից 492 -ի սպասարկումը:
Կարդացեք նաև
Լուսինե ԲՈՒԴԱՂՅԱՆ
