Հայաստանում Լեհաստանի դեսպան Զդիսլավ Ռաչինսկին Երեւանում Անաստաս Միկոյանի արձանը դնելը անբարոյական էր համարել: ՀՀԿ խմբակցության պատգամավոր, ԱԺ արտաքին հարաբերությունների մշտական հանձնաժողովի անդամ Շիրակ Թորոսյանի մեկնաբանությունն այս առնչությամբ:
– Պարոն Թորոսյան, ինչպե՞ս կմեկնաբանեիք լեհ դեսպանի հայտարարությունը։
– Միկոյանը, անկախ ամեն ինչից, հայ է ու սովետական հսկա կայսրությունում բարձր պաշտոն է զբաղեցրել։ Պրոռոուսական ուժերը մի կերպ են մեկնաբանում այդ արձանը դնելը, արեւմտյան ուժերը՝ ուրիշ կերպ։
– Անաստաս Միկոյանի հրամանով բազմաթիվ մարդիկ են գնդակահարվել, այնպես չէ՞։
Կարդացեք նաև
– Ո՛չ, համակարգն է եղել մարդասպան։ Ես շատ ուրախ եմ, որ Սովետական միության փոխվարչապետը հայ է եղել։
– Այսինքն ուգո՞ւմ եք, որ Անաստաս Միկոյանի արձանը դրվի:
– Ինձ համար միեւնույն է։ Ես հպարտանում եմ, որ Միկոյանի նման հայ մարդ է եղել։
– Լեհ դեսպանը դա անբարոյականություն է համարում։
– Անբարոյական բառը խիստ է։ Եթե գտնվեն մարդիկ, ովքեր կուզենան դնել այդ արձանը, ես այդ մարդկանց անբարոյական չէի անվանի։
– Կուզե՞ք, որ Ստալինի արձանը լինի Երեւանում։
– Ստալինի արձանը ես անձամբ կոչնչացնեմ, որովհետեւ Ստալինը հայ ժողովրդի թշնամիներից էր։
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
