ՀՅԴ բյուրոյի Հայ դատի եւ քաղաքական հարցերի գրասենյակի պատասխանատու Կիրո Մանոյանի գնահատմամբ, ԱՄՆ կոնգրեսական Ադամ Շիֆը Թուրքիա կատարած այցի շրջանակներում կարեւոր հարցեր է բարձրացրել Թուրքիայի նախագահի եւ վարչապետի հետ հանդիպման ժամանակ:
ԱՄՆ կոնգրեսականը Թուրքիայում քննարկել է Քեսաբահայերի տեղահանության, հայոց ցեղասպանության ճանաչման հարցը:
«Ադամ Շիֆը բավական սուր կերպով է ներկայացրել հայերի հետ կապված խնդիրները, նա իր ասածները հրապարարկել է, բայց մինչեւ հիմա պարզ չէ, թե թուրքական կողմն ինչպես է արձագանքել այդ հարցերին: Նման ճնշումների պատճառով է, որ ապրիլի 23-ին Թուրքիայի վարչապետը նման հայտարարություն արեց: Ակնհայտ է, որ Թուրքիան եկող տարվա ապրիլի 24-ին էլ պետք է փորձ անի նվազեցնել իր վրա միջազգային ճնշումները: Իսկ Թուրքիայի վրա նման ճնշումները ավելանալու են եկող տարվա ընթացքում»,- ասաց Կիրո Մանոյանը:
Նա նաեւ կարեւորեց, որ ՀՀ նախագահ Սերժ Սարգսյանը Քեսաբի հարցը բարձրացրել է նաեւ Ֆրանսիայի նախագահ Ֆրանսուա Օլանդի՝ Հայաստան կատարած այցի ժամանակ.«Ֆրանսիայի նման երկրի հետ նման հարց բարձրացնելը կարեւոր է ՝ հաշվի առնելով Ֆրանսիայի դերակատարությունը Սիրիայի իրադարձություններում: Ֆրանսիան կարեւոր ազդեցությունի ունի Սիրիայի տարբեր շրջանակների հետ, որոնց մի մասը առնչվում է Քեսաբի խնդիրներին»:
Կարդացեք նաև
Արփինե ՍԻՄՈՆՅԱՆ
