Հուշարձանի նախագիծը հայ համայնքի անդամների և քաղաքապետ Ջեյմս Միլինաձոյի օգնությամբ սկսեց իրագործվել 2011թ.-ից: Հետագայում նրանց միացան Մերիմակ Վելիի Հայոց ցեղասպանության հուշարձանի կոմիտեի անդամները:
Բրոնզից և գրանիտից պատրաստված հուշարձանի նախագծի հեղինակը Դանիել Վարուժան Հեջինյանն է: Հեղինակը նշում է. «Քարն ու բրոնզը խորհրդանշում են մարմնի և հոգու միասնությունը»:
Հուշարձանի վերևի հատվածում կան հյուսող եռաչափ ձեռքեր: Մեծ խաչը տեղակայված է ձեռքերի ներքևում: Գործվածքի մի մասը, որը կախված է խաչի վրա, խորհրդանշում է հայկականության ուժն ու գեղեցկությունը:
Խաչի ներքևում մակագրություն կա. «Հանգույց առ հանգույց նրա ձեռքերը հյուսում են հայ ժողովրդի պատմությունը: Չնայած ցեղասպանության ցավին և սարսափին՝ հայ ժողովուրդը հանգույց առ հանգույց վերականգնում է իր հույսերը և երազանքները, քանի որ մենք ծաղկում և բարգավաճում ենք»:
Կարդացեք նաև
Հուշարձանի մեջտեղում անգլերենով և հայերենով գրված է «Ի հիշատակ»:
ՀՀ ՍՓՅՈՒՌՔԻ ՆԱԽԱՐԱՐՈՒԹՅՈՒՆ
