«Մի փոքր թյուրիմացություն է եղել, և լուծարվում է հին «Գյումրու տեխնոպարկ» ՓԲԸ-ն»: Այս խորհրդարանում լրագրողների հետ զրույցում ասաց ԱԺ ՀՀԿ խմբակցության պատգամավոր Սուքիաս Ավետիսյանն`անդրադառնալով Գյումրու տեխնոպարկի լուծարման մասին տարածված տեղեկությանը:
Նա նշեց, որ նախկին ՓԲԸ-ի 49 տոկոսը պետական բաժնեմաս էր Գյումրու անալիտիկ սարքերի գործարանի բաժնեմասերով, և քանի որ այդ գործարանը էլ չի գործում, որոշվել է լուծարել հին ՓԲԸ-ն:
«Առաջին անգամ տեխնոպարկը անալիտիկ սարքերի գործարանի տարածքում էր, հետո կառավարությունը նոր տարածք վերցրեց, որտեղ գումարներ ներդրվեցին, որպեսզի ինկուբատոր հիմնադրամի միջոցներով կարողանան իրագործել»,- ասաց Սուքիաս Ավետիսյանը:
Ըստ ՀՀԿ-ական պատգամավորի, նախորդը ստեղծվել է 2006թ.-ին, բայց ընդլայնվելու հնարավորություն չի ստեղծվել, ուստի նոր շենք կառուցեցին, նոր հիմնադրամ ստեղծվեց, այնպես որ, լուծարվում է նախորդ ՓԲԸ-ն: Տարբեր կազմակերպություններ, ըստ պատգամավորի, կիրականացնեն նոր ՓԲԸ-ի հիման վրա տեխնոպարկի իրականացման գաղափարը:
Կարդացեք նաև
Նելլի ԳՐԻԳՈՐՅԱՆ
