ԱԺ ՀՅԴ խմբակցությունը կառավարության ծրագրի վերաբերյալ իր առաջարկներն ուղարկել է: Այսօր այդ մասին Aravot.am-ի հարցին ի պատասխան՝ ասաց խմբակցության ղեկավար Արմեն Ռուստամյանը: Դրանց բովանդակային մասին մեր զրուցակիցը չցանկացավ անդրադառնալ, քանի որ «բավական ծավալուն» են: Միայն ասաց, որ դրանք բխում են ՀՅԴ-ի յոթ կետերից:
Մեր մյուս հարցին`քառյակում քննարկումներ ընթանո՞ւմ են կուտակային կենսաթոշակային համակարգի վերաբերյալ արտահերթ նիստ հրավիրելու մասին, պարոն Ռուստամյանն ասաց, որ որոշում չկա, բայց քննարկումները շարունակվում են: Հիշեցնենք, նախօրեին «կուտակայինի» քվեարկության ժամանակ ԲՀԿ խմբակցության քարտուղար Նաիրա Զոհրաբյանը հայտարարեց, որ եթե քառյակը նախաձեռնի արտահերթ նիստ հրավիրելու ստորագրահավաք, ապա իրենք կմիանան այդ նախաձեռնությանը:
Քառյակի հերթական հանդիպման օրն ու ժամը եւս դեռ հստակ չէ: Հյուրընկալող կողմն այս անգամ ՀԱԿ-ն է լինելու ու ըստ ընդունված կարգի, հանդիպումը պետք է ՀԱԿ-ն էլ նախաձեռնի: Հիշեցնենք, որ ԲՀԿ-ն, ՕԵԿ-ը ձեռնպահ քվեարկեցին «Կուտակային կենսաթոշակի մասին» օրենքում փոփոխություն կատարելու մասին կառավարության ներկայացրած օրինագծին: ԱԺ-ն կսկսի քննարկել օրինագիծը երկրորդ ընթերցմամբ:
Նելլի ԳՐԻԳՈՐՅԱՆ
Կարդացեք նաև
