Լոռու մարզի ընդհանուր իրավասության առաջին ատյանի դատարանը, դատավոր Աղասի Մկոյանի նախագահությամբ,ապօրինի կերպով սառը զենք կրելու մեջ մեղադրվող Վահրամ Կ.-ին մեկամսյա ժամկետով կալանքի է դատապարտել:
Դատաքննության ընթացքում դատարանը պարզել է, որ ամբաստանյալ Վահրամ Կ.-ն
իր վրա, հագուստի մեջ, ապօրինի կերպով կրելով քաղաքացիական շեղբավոր սառը զենք հանդիսացող դանակը, 2014 թվականի մարտի 15-ին ժամը 21:15-ի սահմաններում գնացել է նախկին կնոջ` Հասմիկ Մ.-ին պատկանող Վանաձոր քաղաքում գտնվող բնակարան, որտեղ իր հետ չամուսնանալու պատճառով վիճաբանել է նրա հետ, ինչի ընթացքում Հասմիկ Մ.-ն Վահրամ Կ.-ից խլել է վերջինիս ձեռքում գտնվող դանակը և նույն օրը ներկայացրել ոստիկանության Վանաձոր քաղաքի Տարոնի բաժնի աշխատակիցներին:
Դատական քննության ընթացքում ամբաստանյալը ընդունել է մեղքը, եւ միջնորդել է կիրառել դատաքննության արագացված կարգ:
Դատարանն էլ կայացրել է մեղադրական դատավճիռ:
Կարդացեք նաև
Անուշ ԲՈՒԼՂԱԴԱՐՅԱՆ
