ՀՀԿ-ական պատգամավոր՝ Առաքել Մովսիսյանը (Շմայս), խոսելով Եվրատեսիլի այս տարվա մրցույթի հաղթողի մասին, ասաց. «Շատ սիրուն աղջիկ էր, բայց դե մի քիչ թերություններ ուներ, ես չասեմ՝ դուք գիտեք։ Իրանց համար դա սովորական բան ա»,- մեկնաբանեց Առաքել Մովսիսյանն ու ոգեւորված բացականչեց. «Արամը տղավարի ցույց տվեց, մնացածը չգիտեմ։ Արամը ցույց տվեց մեր ազգի թասիբն ու նամուսը ու Ավստրիայից լավ երգեց»։ Հարցին, թե այդ դեպքում ինչո՞ւ չհաղթեց, Մովսիսյանը պատասխանեց. «Դե Եվրոպայում էր, որ սաղ տեղերը մաքուր լինի, անձրեւ չի գա. մաքուր կլինի»։ Նա նաեւ մի քանի անգամ ասաց, որ եթե ժյուրի լիներ, ապա անպայման Արամ MP3-ին կտար ձայնը։
ՀՀԿ-խմբակցության մեկ այլ պատգամավոր Մհեր Սեդրակյանը (Թոխմախի Մհեր), Եվրատեսիլի վերաբերյալ հարցերին պատասխանեց շատ կարճ. «Էսօր աշխարհը ոնց որ էդ կատեգորիան ա։ Դրանց թիմը մեծ ա, մենք դրանց չափ էլ չկանք փաստորեն, ու դրա համար էլ էսօր ինչ ուզում անում են։ Հայաստանում իր օգտին քվեարկել են իր կատեգորիայի մարդիկ, մեր ելույթը գերազանց էր, ափսոս իրանց բանակը մեծ էր։ Պետք ա պայքարենք, որ էդ որակի մարդիկ վերանան»։
Հարցին, թե հնարավո՞ր է հենց այդ պատճառով էլ Սերժ Սարգսյանը երկիրը տարավ Մաքսային միություն, Սեդրակյանը չպատասխանեց:
Մկրտիչ ԿԱՐԱՊԵՏՅԱՆ
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
Կարդացեք նաև
