Որքան էլ քաղաքականությունը կամ հարեւան-բարեկամությունը «Եվրատեսիլում» դեր է խաղում, ի վերջո հաղթում է նա, ով օբյեկտիվորեն ամենաուժեղն է մրցակիցների մեջ։ Այս մրցույթում Կոնչիտան ամենալավ շոուն ներկայացրեց. նա հզոր ձայն ուներ, ծանրակշիռ երգ եւ հանդես էր գալիս բոլորից տարբերվող կերպարով։
Մեր Արամ MP3-ն, իմիջիայլոց, որքան էլ լավ երգեց եզրափակիչի ելույթի ժամանակ, հաղթանակի չձգեց եւ դա ակնհայտ էր։
Ինչ վերաբերում է Կոնչիտայի զուտ կերպարին, նման բաներ տեղի ունեցել են նաեւ ետխորհրդային տարածքում, հիշենք, թեկուզ ռուսական պոպ աստղ Վերկա Սերդյուչկային։ Նա էլ տղամարդ էր, որ բեմում հանդես էր գալիս կանացի շորերով։ Կոնչիտա Վյուրստը, ըստ այդմ, այդ նույն երեւույթի մի այլ դրսետրում ու մարմնավորում է։
Ինչ վերաբերվում է միասեռականությանը. տարիներ առաջ «Եվրատեսիլում» Ոուսաստանը ներկայացնում էր «Տատու» խումբը, որի անդամ աղջիկները չէին էլ թաքցնում իրենց ոչ ավանդական սեռական կողմնորոշումը։ Այս տարվա Սոչիի ձմեռային խաղերը, ի դեպ, բացվեցին հենց լեսբիական «Տատու» խմբի երգով։
Իսկ ռուսական շոու բիզնեսի ամենաազդեցիկ ներկայացուցիչներից մեկը՝ Բորիս Մոյիսեեւը, երկար ու երկար տարիներ ետխորհրդային բեմերի վրա երգում էր «Գալուբայա լունա»։ Եթե չենք սխալվում, Մոյիսեեւը հյուրախաղերով եղել է նաեւ Երեւանում։ «Տատուն» նույնպես։
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
Կարդացեք նաև
