Հայաստանի գինեգործների միության եւ «Մարան» ընկերության նախագահ Ավագ Հարությունյանը Aravot.am-ին տեղեկացրեց, որ քիչ առաջ լուր են ստացել այն մասին, որ «Մարան» ընկերության «Բագրատունի» կարմիր գինին ստացել է բրոնզե մեդալ ՝ Դեկանտերի աշխարհի գինիների հեղինակավոր մրցույթում (Decanter World Wine Award):
Մրցույթը 10 տարեկան է, անցյալ տարի այդ միջոցառմանը մասնակցել է 14362 գինի: Ավագ Հարությունյանի ձեւակերպմամբ, Decanter World Wine Award-ը գինու ոլորտի աշխարհի ամենամեծ ու ծանրակշիռ մրցույթն է: Անցյալ տարի 27 երկիր ներկայացնող 200-ից ավելի մասնագետ է գնահատել ներկայացված գինիները:
«Ես տեղյակ եմ, որ մինչեւ այս տարի Հայաստանից որեւէ գինի մրցանակ չի ստացել Դեկանտերի մրցույթից»,- փաստեց Ավագ Հարությունյանը:
Գոհար ՀԱԿՈԲՅԱՆ
