Արա Բուդաղյանի՝ Գորիսի քաղաքապետ առաջադրվելու լուրը հոր՝ Էմիլ Բուդաղյանի սրտով չէ: Նա որդու առաջադրվելու մասին ասաց՝ ընդհանրապես չի ցանկանում խոսել:
«Բայց ինքը ինձ հարցրե՞ց, որ թեկնածություն դրեց: Չէի ուզենա, որ խառնվեր այդ ընտրություններին, մեկ է ժողովուրդը տրամադրված չէ այդ ընտրություններին մասնակցել»,- ասաց Էմիլ Բուդաղյանը՝ պնդելով, որ Գորիսի քաղաքապետի ընտրություններին էլ են համապետական ընտրությունների նման փողով ձայն են գնելու:
Մեր հարցին՝ ինչպիսի քաղաքապետ է Գորիսին պետք, պարոն Բուդաղյանն ասաց, որ մարզպետից կախում չունենա.«Որ ինքնուրույն գործի, ոչ թե նախկին մարզպետի՝ Լիսկայի, ասածներն անի»:
Մեր հարցին, թե, այսինքն` նախկին մարզպետի «շորշոփը» դեռ մարզում կա՞, ասաց՝ ոչ այնքան:
Կարդացեք նաև
Նա նաեւ ասաց, որ քաղաքապետի թեկնածուներին էլ չի ճանաչում ու չի ցանկանում խոսել սպասվող ընտրությունների մասին:
Արփինե ՍԻՄՈՆՅԱՆ
