Այսօր Եռաբլուրում Aravot.am-ը Արցախյան պատերազմի հերոս Վարդան Դուշման Ստեփանյանի շիրիմի մոտ հանդիպեց սպորտի եւ երիտասարդության հարցերի նախարար Գաբրիել Ղազարյանին:
Նա եկել էր՝ հարգելու Արցախյան ազատամարտում զոհված հայ կամավորականների պայծառ հիշատակը: «Վարդանի, նրանց ընտանիքի հետ դեռ Արցախյան պատերազմից առաջ եմ ծանոթ ու մտերիմ եղել: Վարդանն ասում էր. «Ամոթ է այն երիտասարդների համար, ովքեր գնում են Ռուսաստան եւ դառնում հնոցապան կամ մեխանիկ: Թուրքը մեր դարավոր թշնամին է, ո՞վ պետք է դառնա զինվոր կամ սպա, ո՞վ պետք է կռվի»: Պատերազմի ժամանակ, իսկ Վարդանը կռվել ու հաղթանակներ է տարել իր մասնակցած բոլոր ճակատամարտերում, նաեւ ասում էր. «Ես պատերազմին շատ եմ պետք, ինձ գնդակ չի դիպչի, իսկ եթե զոհվեմ՝ միայն դավադիր ականից կլինի: Եթե զոհվեմ, զինված, մաքուր հագնված կգաք թաղմանս ու գլխիս տակ դաշույն կդնեք, որ էն աշխարհում էլ կռվեմ»:
Կարդացեք նաև
Վարդանն այս խոսքերն ասել է Արցախյան ազատամարտի տարիներին, սակայն պատերազմը դեռ չի ավարտվել: Նրա խոսքերն այսօր էլ արդիական են: Եվ մենք, հատկապես մարզաշխարհի մարդիկ, պարտավոր ենք սիրել մեր հայրենիքը, մեր երկիրը, մասնագիտությունն ու ընտրած ոլորտը եւ մարզական պատերազմներում անենք հնարավոր ամեն բան՝ վերջնական հաղթանակի եւ Հայաստանի դրոշը հաղթականորեն ծածանելու համար», – ասաց Գաբրիել Ղազարյանը:
Աշոտ ՀԱԿՈԲՅԱՆ
Ամոթ այն պետության կառավարությանը, որտեղ երիտասարդները բանակում ծառայելուց հետո` մի երկու տարի աշխատանք փնտրելուց եւ չգտնելուց հետո ստիպված գնում են Ռուսաստան աշխատելու: Կռվողներից մնում եք դու, Տարոնը, Աշոծյանը, Շարմազանովն էլ վաշտի հրամանատար: Քիչ էր մնում Հրանուշին ու Հասմիկին մոռանայի` կամուֆլյաժը հագած ձեր թիկունքին կանգնած են: