Ստատուս-քվոն ոչ թե «անընդունելի» է, այլ ընդունելի այնքան ժամանակ, որքան դեռ Մինսկի խմբի համանախագահների կողմից չի մշակվել Արցախի ժողովրդի համար ընդունելի լուծում: Այս մասին իր ֆեսյբուքյան էջում գրել է կրթության եւ գիտության նախարար նախարար Արմեն Աշոտյանը՝ պատասխանելով ՀՀ-ում ԱՄՆ դեսպան Ջոն Հեֆերնի թվիթերում կատարած գրառմանը:
«Այս տոնական օրով ստիպված եմ անդրադառնում իմ գործընկեր, ԱՄՆ հարգարժան դեսպան Հեֆերնի այսօրվա թվիթերյան գրառմանը:
ա. ստատուս-քվոն ոչ թե «անընդունելի» է, այլ ընդունելի` այնքան ժամանակ, որքան դեռ Մինսկի խմբի համանախագահների կողմից չի մշակվել Արցախի ժողովրդի համար ԸՆԴՈՒՆԵԼԻ լուծում:
բ. զարմանալի է, որ դեսպանի համար անընդունելի է ստատուս քվոն, իսկ պատերազմի մասին հիշատակելիս «անընդունելի» ձևակերպումը բացակայում է: Հուսամ, սա Թվիթերի նիշային սահմանափակումների պատճառով արված «հարկադրված» կրճատում է:
Կարդացեք նաև
գ. բոլոր դեպքերում մենք բարձր ենք գնահատում ԱՄՆ ջանքերը` խնդրի արդար և խաղաղ կարգավորմանն ուղղված»,- գրել է նախարարը:
