Լեռնային Ղարաբաղի անկախությունը ճանաչելու մասին ԱՄՆ-ի Կալիֆորնիա նահանգի խորհրդարանի ընդունած բանաձևը «հռչակագրային բնույթ է կրում, և հետևաբար՝ չունի ոչ մի քաղաքական և իրավաբանական ուժ», այսօր հայտարարել է Ադրբեջանի արտգործնախարար մամուլի ծառայության ղեկավար Էլման Աբդուլաևը:
APA լրատվական գործակալության փոխանցմամբ, Աբդուլաևն ասել է, թե Միացյալ Նահանգները՝ որպես ԵԱՀԿ-ի Մինսկի խմբի համանախագահ, սատարում է Լեռնային Ղարաբաղի հակամարտության կարգավորումը միջազգային իրավունքի և ՄԱԿ-ի Կանոնադրության սկզբունքների հիման վրա, իսկ Լեռնային Ղարաբաղի հակամարտության առնչությամբ պաշտոնական Վաշինգտոնի դիրքորոշումը արտացոլված է ԵԱՀԿ-ի Մինսկի խմբի ամերիկացի համանախագահի վերջինհայտարարություններում:
Արման Հովհաննիսյան
Նյութի մանրամասները կարդացեք «Ազատություն» ռադիոկայանի կայքում
