«Մենք ներկայացրել ենք օրենքի նախագիծ, տեղյակ եմ նաև, որ մեր գործընկերները (քառյակից) ևս ներկայացրել են իրենց առաջարկությունները կառավարությանը: Բովանդակությամբ երկուսիս ձգտումն էլ դա է, որ պարտադիր կուտակային բաղադրիչը վերացվի»,- այսօր «Հենարան» մամուլի ակումբում հայտարարեց ՕԵԿ խմբակցության անդամ Հովհաննես Մարգարյանը:
Բանախոսը տեղեկացրեց, որ ՕԵԿ-ը օրերս շրջանառության մեջ է դրել «Կուտակային կենսաթոշակների մասին» օրենքում փոփոխությունների իրենց նախագիծը, որը բացառում է պարտադիր բաղադրիչը և նախատեսում կամավորության սկզբունք:
Լրագրողներից մեկի հարցին`ինչո՞ւ ՕԵԿ-ը որոշեց հենց հիմա այդ առաջարկով հանդես գալ, Հովհաննես Մարգարյանը հիշեցրեց, որ իրենք նախկինում էլ բազմիցս բարձրաձայնել են այդ խնդիրը`անտեսելով Aravot.am-ի դիտարկումը` ինչպե՞ս «դեմ» լինելով վիճահարույց դրույթներին ՕԵԿ-ը «կողմ» քվեարկեց նախագծին`ՀՀԿ-ի «խաթրից դուրս չգալու համար»:
Մանրամասները `տեսանյութում
Կարդացեք նաև
Հարցին`պատրաստվո՞ւմ է Հովհաննես Մարգարյանը հրաժարվել ԱԺ պետաիրավական հարցերի մշտական հանձնաժողովի նախագահի տեղակալի պաշտոնից, քանի որ ՕԵԿ-ն արդեն ընդդիմություն է, պատգամավորը հիշեցրեց, որ ըստ ԱԺ կանոնակարգի` պաշտոնը քվոտայով է տրվում, այնպես որ կարևոր չի իրենք այսուհետ ընդդիմություն են, թե կոալիցիայի մաս կազմում. «Այն, թե ՀՀԿ-ն մեզ զիջել է հեքիաթ է և հեռու է իրականությունից: Գոյություն ունի օրենք, քվոտավորում»:
Նելլի ԳՐԻԳՈՐՅԱՆ
