Միացյալ Նահանգների արտգործնախարարությունում անցկացված մամուլի ասուլիսի ժամանակ ԱՄՆ-ի արտգործնախարարության խոսնակ Ջեն Փսաքին համոզվածություն է արտահայտել, որ ԵԱՀԿ-ի Մինսկի խմբի համանախագահ, դեսպան Ջեյմս Ուորլիքի կողմից մայիսի 7-ին «Քարնեգի» հիմնադրամում Լեռնային Ղարաբաղի հակամարտության կարգավորման շուրջ ԱՄՆ-ի կառավարության դիրքորոշման ներկայացնելը նպատակ չէր հետապնդում հայտարարելու որևէ նորություն: Նա համոզվածություն է հայտնել, որ Մինսկի խմբի համանախագահ Ուորլիքի ուղերձը պարզապես նախատեսված է եղել վերահաստատելու արդեն երկար ժամանակ ձևավորված ԱՄՆ-ի դիրքորոշումն այս խնդրի շուրջ:
ԱՄՆ-ի արտգործնախարարությունում մամուլի ներկայացուցիչների հետ հանդիպման ընթացքում անդրադարձ է կատարվել նաև Կալիֆորնիա նահանգի խորհրդարանի ընթացակարգային հանձնաժողովի կողմից Լեռնային Ղարաբաղի անկախությունը սատարող բանաձևի ընդունման, ինչպես նաև այն հարցին, թե արդյոք Վաշինգտոնում ձևավորվում է մտահոգություն, որ տարածաշրջանում կարող է առաջանալ զինված ևս մեկ առճակատում, և արդյոք Լեռնային Ղարաբաղի շուրջ ակտիվացումը կանխարգելիչ նպատակներ է հետապնդում:
Արմեն Հովհաննիսյան
Նյութի մանրամասները կարդացեք «Ամերիկայի Ձայն»-ի կայքում
Կարդացեք նաև
