Քիչ առաջ կառավարության նիստում հավանություն տրվեց բնապահպանության նախկին նախարար Արամ Հարությունյանին Կոտայքի մարզպետ նշանակելու առաջարկությանը, նաեւ հավանություն տրվեց Ռուբիկ Աբրահամյանին Արարատի մարզպետ նշանակելու առաջարկությանը: «Ինձ բարեկամ չէ, ասեմ՝ իմանաք»,- ասաց նիստը վարող վարչապետ Հովիկ Աբրահամյանը՝ Ռուբիկ Աբրահամյանի մասին:
Վարչապետն ասաց, որ ՀՀ նախագահը հանրապետությունում չէ, որպեսզի մարզպետների հրամանագրերը ստորագրի: Նախագահի բացակայությունը չխանգարեց, որպեսզի Հովիկ Աբրահամյանը շնորհավորի նորանշանակ մարզպետներին:
Վարչապետը նիստի սկզբում վստահեցրեց, որ 20 օրվա ընթացքում կառավարության նոր ծրագիրը կներկայացվի Ազգային ժողով: Հովիկ Աբրահամյանն ասաց, որ կառավարության նոր կազմը պատրաստ է, իսկ «ծրագիրը լինելու է իրատեսական եւ այն նախարարները, որոնք կթերանան՝ մեր ճանապարհները կբաժանվեն»:
Նելլի ԲԱԲԱՅԱՆ
